AMEA-nın Rəyasət Heyətinin həftəlik mətbu orqanı olan “Elm” qəzetinin növbəti sayı çapdan çıxıb.

Qəzetin ön səhifəsində Prezident İlham Əliyev və birinci xanım Mehriban Əliyevanın İsmayıllıda DOST İnklüziv İnkişaf və Yaradıcılıq Mərkəzinin “DOST EVİ” filialının açılışında iştirakı ilə bağlı xəbər yer alıb.

Bundan əlavə, qəzetdə AMEA-nın Rəyasət Heyəti və A.A.Bakıxanov adına Tarix İnstitutunun birgə təşkilatçılığı ilə Vətən müharibəsində qazanılmış qələbənin 3 illiyinə həsr olunmuş “Zəfərdən-zəfərə: Azərbaycanın ərazi bütövlüyünün tam təmin edilməsi Müzəffər Ali Baş Komandan İlham Əliyev siyasətinin təntənəsidir” mövzusunda elmi konfrans, Zəfər Günü və Dövlət Bayrağı Gününə həsr edilmiş tədbir, AMEA Rəyasət Heyətinin genişləndirilmiş iclası barədə yazılar və digər əhəmiyyətli tədbirlərə dair məlumatlar dərc edilib.

Həmçinin AMEA-nın prezidenti, akademik İsa Həbibbəylinin akademik Mirəsədulla Mirqasımov haqqında “Akademiyanın qurucu prezidenti” adlı məqaləsi, AMEA-nın vitse-prezidenti, akademik İbrahim Quliyevin müəllifi olduğu “Əsrin müqaviləsindən Zəfərədək” adlı müsahibə və IX Bakı Beynəlxalq Kitab Sərgisinə dair icmalla tanış ola bilərsiniz.

Qəzetin rus və ingilis dili bölməsində AMEA alimlərinin fəaliyyətinə dair yazılar, həmçinin son elmi yeniliklərə dair informasiyalar yer alıb.