Avg 08, 2017 | 11:45
AMEA-nın ŞREM-in əməkdaşları: ŞREM-in direktoru Y.H.Şükürlü, “Tut ipək qurdunun seleksiyası” şöbəsinin müdiri Q.M.Bəkirov və “Molekulyar Biofizika” şöbəsinin elmi işçisi Y.M.Bəkirova 24-29 iyul 2017-ci il tarixində Özbəkistanın Margilan şəhərində “Elmi inteqrasiyanın əhəmiyyəti və toxuculuq sənayesi müəsissələrində istehsalın təşkili prosesində aktual məsələlərin həlli” adı altında keçirilən Beynəlxalq elmi-texniki konfransda iştirak etmişlər. Konfrans Özbəkistan Təbii Liflər Elmi Tədqiqat İnstitutunun 80 illiyinə, ipəkçiliyin yenidən əsaslı surətdə bərpası və inkişafı yollarının araşdırılması, ipəkçilikdə müasir innovativ texnoloqiyaların tədbiqinə həsr olunmuşdur. Konfransda bir çox ölkələrin: Polşanın, Koreyanın, Yaponiyanın, Çinin, Rusiyanın, Taçikistanın, Hindıstanın, Azərbaycanın və Özbəkistanın ipəkçi alimləri, təbii lifləri öyrənən alımlər istirak edirdilər. Konfransda müzakirə olunan əsas məsələlərdən biri də Bitki və zülal mənşəli liflərin bitkilərdən alınan ekoloji təmiz boyaqlarla boyanması üsulu və texnologiyalarının araşdırılması və işlənib hazırlanmasıdır.
Konfransın işi üç bölmə üzrə: I bölmə - İpək texnologiyası, II bölmə- toxuculuq materiallarının texnologiyası, III bölmə -toxuculuq kimyası, nəzəriyyəsi və iqtisadiyyatı üzrə keçirilib. Əməkdaşlarımızdan Z.Y.Şükürlü “Biosintez prosesində fibroinin miqdarının artırılması perispektivləri”, Y.M Bəkirova isə “İpəkçiliyin inkişafı və ipəyin emalı” adlı məqalələrlə çıxış etmişlər. Konfransın sonunda Özbəkistan Təbii Liflər Elmi Tədqiqat İnstitutu (ÖzTLETİ) ilə AMEA Şəki Regional Elmi Mərkəzin rəhbərliyi arasında ipəkçilik sahəsində əməkdaşlıqla əlaqədar müqavilə imzalanmışdır.